جاني يعيرني بقاوله ( فقيره)

جاني يعايرني بقوله: \"فقيره\"
قلت الفقر ماهوب في قلة المال

الفقر هو نقص العقل والستيره
واما بغيرة يا\"....\" نستر الحال

قال: وعلى فقرك وكنك اميره
تحكي بعز وتمشي بفخر تختال

قلت: ايه وازيدك من البيت غيره
مادامني من خير ربي انا اكتال

مادام مايسجد جبيني لغيره
أللي خلق ارض وسموات وجبال

اللي حباني نور عين وبصيره
أميز يمين الخطاوي من شمال

ماني قليلة فهم مثلك غريره
أمشي عدل واميل للوقت لامال

ماغرني صوف الزمان وحريره
ومهما يضيق الوقت فيّه أبا احتال

وكانك تعايرني بقولة \" فقيره \"
بقول شي(ن)صعب اشوي ينقال

صحيح املاكك عددهاكثيره
صحيح تلبس غتره وثوب وعقال

بقول لك كلمة ولو هي كبيره:
\" عز الله اخطا من مسميك رجّال\"!!!

توقيع